بجٹ عوام دوست پالیسیوں کا آئینہ دار ہے: چودھری ذیشان
ٹوبہ ٹیک سنگھ (نامہ نگار) حالیہ بجٹ مسلم لیگ(نواز) حکومت کی غریب عوام دوست پالیسیوں کا آئینہ دار ہے۔ بجٹ میں عام استعمال کی چیزوں سمیت تمام اشیاء خصوصا کھادیں اور دیگر زرعی ادویات سستی کرکے حکومت نے عوام دوستی کا ثبوت دیا ہے ،ان خیالات کا اظہار مسلم لیگ(ن) کے رہنما چوہدری ذیشان اعظم رندھاوا نے کارکنوں کے ایک اجلاس سے خطاب کرتے ہوئے کیا۔ انہوں نے کہا کہ مسلم لیگ کے نوجوان کارکن نواز شریف اور مسلم لیگ ن کے خلاف تمام سازشوں کو ناکام بنادیں گے ،دھرنوں اور انتشار کی سیاست کرنے والوں نے ملک وقوم کو نقصان پہنچانے کے علاوہ کچھ نہیں کیا ،آئندہ انتخابات میں مسلم لیگ(ن) کے امیدوار بھاری اکثریت سے کامیاب ہوں گے ،اور مسلم لیگ(ن) حکومت بنائے گی۔