اسلام آباد: ڈپٹی چیئرمین سینیٹ سلیم مانڈوی والا نے کہا ہے کہ سینیٹ نیب کی دھمکیوں کی زد میں ہے، میں نیب کے خلاف کھڑا ہو رہا ہوں اس کا حل نکال کے رہوں گا۔

پریس کانفرنس کرتے ہوئے ڈپٹی چیئرمین سینیٹ سلیم مانڈوی والا کا کہنا تھا کہ کچھ مسائل ایسے ہیں جو عوام کو بتانا چاہتا تھا،پہلی دفعہ ایسا ہوا کہ سینیٹ نیب کی دھمکیوں کی زد میں ہے،ہمارے سینیٹرز اور ایم این ایز ٹارگٹ ہو رہے ہیں اور میرے خلاف بھی ٹرانزیکشن کا الزام لگایا گیا، مجھ پر جو ٹرانزیکشن کا الزام لگایا گیا وہ ٹرانزیکشن منگلہ کور فوج کے ساتھ ہوئی،اس کا مطلب ہے فوج نے جعلی ٹرانزیکشن کی،جب ٹرانزیکشن ہوئی اس وقت کے جنریلز موجود ہیں ان سے پتہ کریں،اس قسم کے ادارے کے خلاف ہیومن والیشن کی کوئی بات نہیں کرتا،چئیرمین کہتے ہیں ملینز روپے وصول کرلیے انہیں پتہ ہونا چاہیے بلینز کا نقصان کر دیا ہے،منگی صاحب بولتے ہیں مجھے کوئی نہیں ہٹا سکتا مجھے آرمی نے بیٹھایا ہوا ہے، اب میں اس ٹرانزیکشن کو عوام کے سامنے لے کے آؤں گا،اب ہر چیز میڈیا پر لاؤں گا تاکہ پورے پاکستان کو پتہ چلیں۔

امریکہ : ایک تہائی سیاہ فام فوجیوں کو نسلی امتیاز کا سامنا ، ٹرمپ دور میں اضافہ ہوا : رپورٹ

انہوں نے مزید کہا کہ تفتیشی افسر مدثر میرے بھائی کو کال کر کے بولتا ہے کہ پلی بارگیننگ کر لیں۔ تفتیشی افسر کون ہوتا ہے کہ وہ کال کرے۔ ایک گریڈ 19 کا افسر بولتا ہے اس کی مجال ہے، لوگ اپنی عزت بچانے کیلئے پلی بارگیننگ کرتے ہیں تاکہ ان کا کاروبار خراب نہ ہو، اعجاز ہارون کو کہا جاتا ہے کہ پلی بارگیننگ کر لیں،مجھے کہا جاتا ہے کہ آپ بزنس مین بن گئے ہیں بتانا چاہتا ہوں میں چوتھی جنریشن ہوں جو بزنس کر رہی ہے،آپ ضرور کرپٹ لوگوں کے خلاف ایکشن لیں،ہم آپ کے ساتھ ہیں لیکن آپ بزنس مین کے خلاف ایکشن لے کے کیا ظاہر کرنا چاہتے ہیں،ہم ڈیمانڈ کریں گے سارے نیب کے افسر اپنے ایسٹس ڈیکلیئر کریں،جتنے لوگوں کے ساتھ انہوں نے پلی بارگیننگ کی ان کی لسٹ بنائیں گے،99 فیصد لوگوں نے اپنے کاروبار اور عزت بچانے کیلئے پلی بارگیننگ کی،نیب ہمارے ملک کو تباہ کر دے گی کسی جنگ کی ضرورت نہیں پڑے گی، میں وزیر اعظم، آرمی چیف اور چیئرمین نیب سے بھی ملوں گا،میں ڈیمانڈ کرتا ہوں میری اینٹاروگیشن کی ویڈیو جاری کریں،آرمی چیف نے بزنس مینوں کو جی ایچ کیو بلایا اور یقین دہانی دیلائی کہ زیادتی نہیں ہونے دیں گے،وزیراعظم نے بھی یقین دہانی دلائی کہ نیب آرڈیننس میں ترمیم کی جائے گی۔

کورونا علامات کے حوالے سے ایک اور حیران کن تحقیق

انہوں نے مزید کہا کہ خط میں آج سے نہیں لکھ رہا 2018 سے خطوط لکھ رہا ہوں،میرےخطوط کے کوئی جواب نہیں آیا صرف پنڈی سے جواب آیا ہے،میں نیب کے خلاف کھڑا ہو رہا ہوں اس کا حل نکال کے رہوں گا۔میں ہر ہیومن رائٹس پلیٹ فارم پر نیب کے خلاف جاؤں گا،سب تفصیلات نکالیں گے کہ نیب کی حراست میں کتنے لوگ ہلاک ہوئے،نیب بلیک میلنگ آرگنائزیشن ہے،لوگوں کو زبردستی نیب سیلز میں بند کرکے پلی بارگین کیلئے مجبور کیا جاتا ہے۔