کراچی (اسپورٹس رپورٹر)ٹوکیو اولمپکس 2020 کے منتظمین نے کہا ہے کہ کورونا وائرس کی عالمگیر وبا کے باعث  ملتوی  ہونے والے مشعل ریلے آئندہ سال مارچ میں جاپان کے فوکوشیما  علاقیسے شروع ہوگا۔اولمپک مشعل پہلے ہی یونان سے جاپان پہنچ چکی تھی اور اس مشعل ریلے کا آغاز رواں سال کے شروع سے ہونا تھا جسے کورونا وائرس کی وبا کے باعث اولمپکس منتظمین اور عہدیداروں نے ایک سال تک کے لئے ملتوی کردیا تھا۔اولمپک مشعل اس وقت جاپان کے دارالحکومت ٹوکیو میں نمائش کے لئے موجود ہے۔ اولمپک منتظمین کے مطابق مشعل ریلے آئندہ سال 25مارچ کو فوکوشیما کے خطے میں شروع ہوگا ۔جاپان کے تمام 47صوبے مشعل کا سفر دیکھ سکیں گے ۔کووڈ 19کی وبا کے بعد ٹوکیو اولمپکس کھیلوں کی دوڑ میں دنیا کے لئے ایک امید کی علامت ثابت ہوں گے۔ملتوی ہونے والے کھیل 23جولائی 2021کو ٹوکیو میں منعقد  ہوں گے۔

امریکہ : ایک تہائی سیاہ فام فوجیوں کو نسلی امتیاز کا سامنا ، ٹرمپ دور میں اضافہ ہوا : رپورٹ