فیصل آباد میں سکیورٹی گارڈ نے نجی فیکٹری میں ڈکیتی کی کوشش ناکام بنادی، ڈاکوؤں سے مزاحمت کے دوران گولی لگنے سے سکیورٹی گارڈ جاں بحق ہوگیا۔فیصل آباد کے علاقے جھمرہ روڈ پر نجی فیکٹری میں ڈاکوئوں نے مزاحمت سکیورٹی گارڈ کو قتل کردیا، پولیس نے لاش تحویل میں لے کر ہسپتا ل منتقل کردی۔ ساتھی ورکرز نے کہا کہ دو ڈاکو فیکٹر میں گھسے تو محمد اختر نے ایک کو دبوچ لیا، اس دوران مزاحمت پر ڈاکوئوں نے فائرنگ کردی، گولیاں لگنے سے سکیورٹی گارڈ جاں بحق ہوگیا۔پولیس کا کہنا ہے کہ نجی فیکٹری میں کوئی لوٹ مار نہیں ہوئی، فرار ہونیوالے ملزمان کو سی سی ٹی وی فوٹیج کی مدد سے تلاش جاری ہے ۔