آرسنل نے 13 ویں بار ایف اے کپ جےت کر تاریخ رقم کر دی

29 مئی 2017

(سپورٹس ڈےسک )آرسنل نے چیلسی کو ایک کے مقابلے دو گول سے شکست دے کر 13 ویں بار ایف اے کپ فائنل جیتنے کا ریکارڈ قائم کر دیا۔آرسنل کے ایلیکسی سانچیز نے میچ کے چوتھے ہی منٹ میں اپنی ٹیم کو سبقت دلا دی۔لیکن سنہ 2010 کی طرح ڈیئگو کوسٹا نے چیلسی کی جانب سے گول کرکے مقابلہ برابر کر دیا۔آرسنل پہلے ہاف میں چیلسی کے مقابلے میں زیادہ تیز رفتار اور جارحانہ انداز میں کھیل پیش کرتی رہی لیکن ان کے لیے تشویش کی بات صرف یہ تھی یہ وہ اپنی سبقت میں اضافہ نہیں کر پا رہی تھی۔آرسنل کے ریمسے نے سنہ 2014 کی طرح ایک بار پھر گول کرکے اپنی ٹیم کو فتح سے ہمکنار کیا۔ٹیم کے مینیجر وینجر نے اپنی ٹیم کی بہترین کارکردگی پر کہنا تھا ’ہم نے پہلے منٹ سے ہی شاندار کھیل کا مظاہرہ کیا۔ ہم نے گذشتہ ہفتے کہا تھا کہ ہماری ٹیم جیت کی دعویدار ہے اور آج ہمارے کھلاڑیوں نے بہترین کھیل سے اسے سچ ثابت کر دکھایا۔'خیال رہے کہ وینجر کو حال ہی میں آرسنل کی خراب کارکردگی کے لیے تنقید کا نشانہ بنایا گیا تھا کیونکہ گذشتہ 20 سال میں پہلی بار ان کی ٹیم چیمپیئنز ٹرافی کے لیے کوالیفائی نہیں کر پائی تھی۔