پشاور گرڈ سٹیشن پر قبضہ کرنے والے بجلی چور تھے صوبائی حکومت سرپرستی کر رہی ہے: خواجہ آصف

29 مئی 2017

سیالکوٹ (آئی این پی) وفاقی وزیر پانی وبجلی خواجہ محمد آصف نے کہا ہے پشاور میں گرڈ سٹیشن پر قبضہ کرنے والے سارے بجلی چور تھے ، چاہے جتنے بھی جلوس نکالیں بجلی چوری کرنیوالے علاقوں میں بجلی نہیں دیں گے۔ ایک سیاسی جماعت اور صوبائی حکومت بجلی چوروں کی سرپرستی کر رہی ہے ، نجی ٹی وی سے گفتگو کر رہے تھے۔ انہوں نے کہا رات 2 بجے تک مارکیٹیں کھلی رہنا کوئی طریقہ کار نہیں، بچت رجحان سے بجلی کے بحران پر قابو پایا جاسکتا ہے۔