بزدار حکومت عوام کو ہرممکن سہولت دے رہی ہے: فیاض الحسن
راولپنڈی (اپنے سٹاف رپورٹر) وزیر اطلاعات پنجاب فیاض الحسن چوہان نے کہا ہے کہ بزدار حکومت عوام کو کرونا بحران میں ہر ممکن سہولیات فراہم کر رہی ہے ۔ انہوں نے اپنے ایک بیان میں کہا کہ پنجاب حکومت عوام کو کورونا بحران میں ہر ممکن سہولیات فراہم کر رہی ہے۔ وزیراعلی سردار عثمان بزدار کی ہدایات پر فوڈ چین کا تسلسل برقرار رکھنے کے سخت انتظامات کیئے گئے ، لاہور میں 25 سیل پوائنٹس پر آٹے کے ٹرک عوام کی سہولت کے لیے موجود ہیں۔انہوں نے کہا کہ پنجاب حکومت نے 25 ہزار سے زائد افراد کو آئسولیٹ کرنے کے انتظامات مکمل کر لئے ۔ محکمہ صحت کے پاس کورونا ٹیسٹنگ کٹس بھی وافر تعداد میں موجود ہیں، ہماری دعا، امید اور بھرپور کوشش ہے کہ کرونا کیسز انتظامات سے کم ہوں۔