ہائی کورٹ کے جسٹس فیاض احمد جندران کرونا کے باعث جی ٹین فو رسیل ہونے پرگھر پر ہی رہیں گے
اسلام آباد (نمائندہ نوائے وقت ) ہائی کورٹ کے جج جسٹس فیاض احمد جندران کرونا کے باعث اسلام آباد جی ٹین فو رسیل ہونے کے دوران گھر پر ہی رہیں گے۔اسلام آباد ہائی کورٹ کے آئندہ ہفتے کے روسٹر میں بھی جسٹس فیاض احمد جندران کا نام شامل نہیں ہے۔اسلام آباد ہائی کورٹ کے جسٹس فیاض احمد جندران کا گھر سیل کئے جانے والے علاقے میں ہی موجود ہے مکمل طور پر تندرست ہونے کے باوجود جسٹس فیاض احمد جندران نے انتظامیہ کے مجوزہ ضابطہ اخلاق کی مکمل پابندی کا فیصلہ کیا ہے۔ عدالتی ذرائع کے مطابق جسٹس فیاض جی ٹین کو سیل کی گئی مدت کے دوران گھر پر ہی رہیں گے اور تندرست ہونے کے باوجود وہ مجوزہ ضابطہ اخلاق کی پابندی یقینی بنائیں گے۔