عام انتخابات وقت سے ایک دن بھی پہلے نہیں ہوں گے،اپوزیشن سڑکوں پرآنےکی بجائے الیکشن کاصبرسے انتظار کرے، گورنر پنجاب کی صوبائی وزراء، پارٹی ورکرز سے گفتگو
گورنر پنجاب چوہدری محمد سرور کانے کہا ہے کہ عمران خان کو اقتدارسے کوئی نہیں نکال سکتا، عمران خان 2023تک وزیر اعظم رہیں گے،تفصیلات کے مطابق ہفتہ کو گورنر پنجاب چوہدری محمد سرور نے جنوبی پنجاب کے ورکرز کے اعزاز میں ناشتے کا اہتمام کیا ، جس میں صوبائی وزیراختر ملک،حسنین جہانیاں گردیزی اوردیگر نے بھی شرکت کی،اس موقع پر چوہدری محمدسرور نے کہا کہ عمران خان کو اقتدارسےکوئی نہیں نکال سکتا، عمران خان 2023تک وزیر اعظم رہیں گے،گور نر پنجاب نے کہا کہ سب جانتے ہیں عمران خان کسی سے بلیک میل ہونیوالے لیڈرنہیں، اپوزیشن جماعتیں تقسیم ہیں ،مارچ بھی سیاسی مشہوری کیلئے ہوں گے ، عام انتخابات وقت سے ایک دن بھی پہلے نہیں ہوں گے،انہوں نے کہا کہ ناکامی اپوزیشن کا مقدر ہے،اپوزیشن سڑکوں پرآنےکی بجائے الیکشن کاصبرسے انتظار کرے، اسمبلی ،سینیٹ میں اپوزیشن کوہمیشہ شکست ،حکومت کامیاب ہوتی ہے۔