کوروناوائرس صورتحال: مزید 15 مریض لقمہ اجل اور 2111 دیگر کی تشخیص

کراچی(نوائے وقت رپورٹ)گزشتہ 24 گھنٹوں کے دوران کورونا وائرس کے مزید 15 مریض دم توڑ گئے جس کے بعد ہلاکتوں کی تعداد 7800 ہوگئی ہے جبکہ 16975 ٹیسٹ کرانے سے  2111 نئے کیسز سامنے آئے۔ یہ بات وزیر اعلی سندھ سید مراد علی شاہ نے جمعہ کو وزیراعلی ہاس سے جاری ایک بیان میں کہی۔ انہوں نے مزید کہا کہ کورونا وائرس کے مزید 15 مریض اپنی جانوں سے ہاتھ دھو بیٹھے جس سے اموات کی تعداد 7800 ہو گئی ہے جو کہ شرح اموات کا 1.5 فیصد ہے۔ سید مراد علی شاہ شاہ نے کہا کہ 16975 نمونوں کی جانچ کی گئی جس میں سے 2111 کیسز کا پتہ چلا جو کہ موجودہ تشخیصی  شرح کا 12.4 فیصد ہے۔ انہوں نے مزید کہا کہ اب تک 7537374 ٹیسٹ کیے گئے ہیں جن میں سے 535835 کیسز کی تشخیص ہوئی ان میں 89.1 فیصد یعنی 477749 مریض صحتیاب ہو چکے ہیں جن میں سے گزشتہ 24 گھنٹوں کے دوران صحتیاب ہونے والے 791 مریض بھی شامل ہیں۔ وزیراعلی سندھ نے کہا کہ اس وقت 50286 مریض زیر علاج ہیں ان میں سے 49802 گھروں میں، 40 آئسولیشن مراکز میں اور 444 مختلف ہسپتالوں میں تھے۔ انہوں نے مزید کہا کہ 382 مریضوں کی حالت تشویشناک بتائی گئی ہے جن میں سے 25 کو وینٹی لیٹرز پر منتقل کیا گیا ہے۔ بیان کے مطابق 2111 نئے کیسز میں سے 1568 کراچی سے سامنے آئے ہیں جن میں 463 جنوبی، 405 شرقی ، 213 ملیر، 208 وسطی، 160 غربی اور 119 کورنگی شامل ہیں جبکہ دیگر اضلاع میں حیدرآباد 138، سانگھڑ 45، سکھر اور میرپورخاص 32-32، مٹیاری 30، ٹنڈو محمد خان 27، تھرپارکر 24، جامشورو 21، سجاول 20، شہید بینظیر آباد 19، ٹنڈو الہیار اور ٹھٹھہ 17-17، بدین 16، گھوٹکی اور عمرکوٹ 14-14، کشمور 13، نوشہروفیروز 11، خیرپور، لاڑکانہ اور شکارپور 10-10، جیکب آباد 7 شامل ہیں ویکسی نیشن: ویکسی نیشن کے اعداد و سے متعلق وزیراعلی سندھ نے کہا کہ 27 جنوری تک 33958540 ویکسین لگائی گئی  جبکہ  گزشتہ 24 گھنٹوں کے دوران مزید 175056 ویکسین لگائی گئی ہیں - مجموعی طور پر 34133596 ویکسین لگائی گئی ہیں جوکہ آبادی کا 61.16فیصد بنتا ہے۔