کمشنر لاہور کا گرجا گھر مریم آباد تحصیل صفدر آباد کا دورہ 

شیخوپورہ (نمائندہ خصوصی) وزیر اعلی پنجاب مریم نواز شریف، چیف سیکرٹری پنجاب کی ہدایت پر کمشنر لاہور زید بن مقصود نے گرجا گھر مریم آباد تحصیل صفدر آباد کا دورہ کیا۔ ڈپٹی کمشنر شیخوپورہ شاہد عمران مارتھ، اے ڈی سی جی، اسسٹنٹ کمشنر و دیگر ضلعی افسران بھی اس موقع پر موجود تھے۔ کمشنر لاہور زید بن مقصود نے مریم آباد میں مسیحی زائرین کیلئے شیڈز سمیت گرجا گھر کی دیگر تزئین و آرائش کے کام کا جائزہ لیا۔ کمشنر لاہور نے مریم آباد میں محکمہ ہائی وے اور بلڈنگز کے جاری ترقیاتی منصوبوں پر پیش رفت کا بھی جائزہ لیتے ہوئے 6 تا 8 ستمبر تک زیارت مریم آباد کے لیے بہترین اور فول پروف انتظامات کرنے کی ہدایات جاری کیں۔