ڈی ایس پی انیس اکبر اور انسپکٹر غلام حیدر کے اعزاز میں سی ٹی ڈی ہیڈکوارٹرز میں الوداعی تقریب

اسلام آباد(اپنے سٹاف رپورٹر سے)ڈی ایس پی انیس اکبر اور انسپکٹر غلام حیدر کے اعزاز میں سی ٹی ڈی ہیڈکوارٹرز میں الوداعی تقریب منعقد کی گئی،تقریب میں انسپکٹر جنرل آف پولیس اسلام آباد سید علی ناصر رضوی نے بطور مہمان خصوصی شرکت کی، اس موقع پرڈی آئی جی آپریشنز شہزاد ندیم بخاری اور دیگر سینئر پولیس افسران بھی موجود تھے،آئی جی اسلام آباد نے ریٹائرڈ ہونے والے افسران کے لئے نیک خواہشات کا اظہار کیا ،انہوں نے ریٹائر ڈہونے والے پولیس افسران کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے، جس نے سروس شروع کی وہ ایک دن ریٹائر بھی ہو گا،آپ نے ایک لمبا عرصہ محکمہ پولیس کی خدمت کی اب محکمے کو آپ کی خدمت کرنے کی ضرورت ہے، دوران سروس ہم سب کی کوشش ہونی چاہیے کہ کچھ ایسے کارنامے انجام دئیے جائیں، جن سے آپ کا نام روشن ہو اور آپ کے کردار کو اچھے الفاظ میں یاد رکھا جائے ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ تعالی کی خوشنودی حاصل کی جائے ، انہوں نے مزید کہا کہ ریٹائر ہونے والے آفیسرزنے اپنا زندگی کا قیمتی حصہ محکمہ پولیس میں گزار کر عوام کی خدمت کی اس کے بدلے محکمہ پولیس نے بھی آپ کو عزت، وقار اور ایک مقام دیا جس پر آپ کو اللہ کا شکر گزار ہونا چاہییانھوں نے مزید کہا کہ آپ کو کوئی بھی نجی و سرکاری مسئلہ درپیش ہو تو میرے دفتر کا دروازہ ہر وقت آپ کیلئے کھلا ہے، آخر میں مہمان خصوصی نے ریٹائر ہونے والے پولیس آفیسرز کی خد مات کو سراہتے ہوئے اعزازی پولیس شیلڈز پیش کی اور ان کے لئے نیک خواہشات کا اظہار کیا۔