جنوبی افریقہ کے ایک مسلمان نوجوان کا بیت المقدس تک کا پیدل سفر دو سال کے بعد اختتام پذیر ہو گیا۔ جنوبی افریقہ کے شہر کیپ ٹائون سے تعلق رکھنے والے نوجوان شہید بن یوسف تکالا نے دو سال قبل بیت المقدس کی طرف پیدل سفر شروع کیا تھا۔ دو سال کے طویل پیدل سفر کے بعد تکالا آخر کاربیت المقدس پہنچ گیا۔ یہ اس کی فلسطین، القدس اور مسجد اقصیٰ سے بے پایاں محبت کا ثبوت ہے۔تکالا کو بیت المقدس کے ایک گرائونڈ میں فلسطینیوں کے ساتھ دیکھا گیا ، اس نے اپنے سفر کی روداد بیان کرتے ہوئے بتایا کہ کیپ ٹائون سے اس نے 15 اگست 2018 کو القدس کا سفر شروع کیا۔ دو سال کے دوران اس نے زمبابوے، زامبیا، تنزانیا، کینیا، ایتھوپیا، سوڈان، مصر اور وہاں سے غزہ تک کا سفر کیا۔ غزہ سے وہ واپس مصر لوٹا جہاں سے وہ مصر سے عقبہ بندرگاہ کے راستے اردن کا سفر کیا۔ اردن سے وہ فلسطین کے علاقے غرب اردن داخل ہوا وہاں سے اس وہ القدس پہنچا ہے۔القدس پہنچنے کے بعد اس نے وطن واپسی کے لیے رخت سفر باندھا مگر کورونا کی وبا کی وجہ سے بارڈ بند ہونے کے باعث وہ القدس ہی میں رک گیا۔ وہ عنقریب اردن سے سعودی عرب جائے گا جہاں وہ آئندہ سال حج کے موسم تک وہاں رہے گا اورفریضہ حج کی ادائیگی  کے بعد وطن واپس لوٹے گا۔

امریکہ : ایک تہائی سیاہ فام فوجیوں کو نسلی امتیاز کا سامنا ، ٹرمپ دور میں اضافہ ہوا : رپورٹ