کراچی (سٹاف رپورٹر) کراچی کے جناح ہسپتال کی سابق ایگزیکٹو ڈائریکٹرڈاکٹرسیمی جمالی انتقال کرگئیں۔ڈاکٹر سیمی جمالی کے شوہر اے آر جمالی نے انتقال کی تصدیق کردی، ان کی نمازجنازہ آج(اتوار)بعد نمازعصر جناح ہسپتال کی مسجد میں ادا کی جائے گی جبکہ تدفین سے متعلق فیصلہ بعد میں کیا جائے گا۔ڈاکٹر سیمی جمالی بڑی آنت کے کینسرمیں مبتلا اورکئی روزسے آغاخان ہسپتال میں زیرعلاج تھیں۔ڈاکٹر سیمی جمالی 33 سال تک جناح ہسپتال میں خدمات انجام دیتیں رہیں اور 19اگست 2021کو ریٹائرڈ ہوگئیں۔2010میں انہیں جوائنٹ ایگزیکٹو ڈائریکٹر بنایا گیا 6سال بعد 2016میں ایگزیکٹو ڈائریکٹر بنیں ۔ ڈاکٹر سیمی جمالی کوبے پناہ خدمات کی بنا پر حکومت پاکستان کی جانب سے تمغہ امتیاز اور پاک فوج کی جانب سے اعزازی لیفٹیننٹ کرنل کا ایوارڈ دیا گیا۔