امریکی وزارت خارجہ کی سعودی عرب پر حوثیوں کے حملوں کی شدید م ذمت
واشنگٹن(این این آئی) امریکی محکمہ خارجہ نے عید الاضحی کے دوران چند دمن امن کے بعد ایرانی حمایت یافتہ یمن کے حوثی باغیوں کی طرف سے سعودی عرب پر حملوں کی شدید مذمت کی ہے۔میڈیارپورٹس کے مطابق ٹویٹر پر جاری ایک بیان میں امریکی محکمہ خارجہ کے دفتر برائے مشرق قریب نے حوثیوں پر اپنی جارحانہ سرگرمیوں کو روکنے اور عدم استحکام پیدا کرنے کی سازشوں سے باز رہنے پر زور دیا۔ بیان میں یمن میں جاری جنگ کے فوری خاتمے اور جامع مذاکرات کی ضرورت پر بھی زور دیا۔بیان میں مزید کہا گیا کہ اب وقت آگیا ہے کہ یمن کے تمام متحارب فریق مذاکرات کی طرف واپس آئیں اور تنازعات کو بات چیت کے ذریعے حل کریں۔ادھر یمن کے محاذ جنگ سے ملنے والی اطلاعات کے مطابق مآرب گورنری کے شمال مغرب میں گذشتہ دو روز سے الیعیرف کے مقام پر گھمسان کی لڑائی جاری ہے۔