وفاقی وزیر داخلہ شیخ رشید احمد نے بلوچستان، کیچ میں سکیورٹی فورسز پر دہشت گردی کے واقعہ کی شدید مذمت کی ہے اوردہشت گردوں کے حملےسے سکیورٹی فورسز کی جوانوں کی شہادت کی اطلاع پر دکھ کا اظہار کیا ہے شیخ رشید احمد نے کہا کہ سکیورٹی فورسز پر دہشت گردی کا واقعہ قابل مذمت اورانتہا تکلیف دہ ہے وطن کی حفاظت پر مامور اہلکاروں پر حملہ بدترین دہشت گردی ہے شیخ رشید احمد نے کہا کہ دہشت گرد بزدلانہ کاروائیوں سے قانون نافذ کرنے والے اداروں کے حوصلے پست نہیں کر سکتے بلوچستان کی ترقی اور ملکی سلامتی کا مشن جاری ہے گا۔
