کراچی (نیوز رپورٹر)  متحدہ قومی موومنٹ پاکستان کے شہید کارکن محمد اسلم کی نماز جنازہ شاہرہ پاکستان پر ادا کی گئی بعد ازاں محمد اسلم کوآہوں اورسسکیوں کے ساتھ محمد شاہ قبرستان میں سپرد خاک کردیا گیا جس میںکنوینر ایم کیو ایم پاکستان ڈاکٹر خالد مقبول صدیقی ،سینئر ڈپٹی کنوینر عامر خان ،ڈپٹی کنوینرز و اراکین رابطہ کمیٹی ،مرکزی شعبہ جات کے ذمہ داران ،ٹائون و یوسی کے ذمہ داران وکارکنان ،حق پرست سینیٹرز ،اراکین قومی و صوبائی اسمبلی ،ڈاکٹر فاروق ستار،مسلم لیگ (ن)اے این پی و دیگر سیاسی جماعتوں کے وفد، شہید کے عزیر و اقارب اور عوام نے بڑی تعداد میں شرکت کی ۔ کنوینر ایم کیو ایم پاکستان ڈاکٹر خالد مقبول صدیقی نے شہید محمد اسلم کی تدفین کے بعد میڈیا نمائندہ گان سے گفتگو کرتے ہوئے کہا کہ محمد اسلم کی شہادت کو پورے پاکستان کے عوام نے کیمرے کے ذریعے اپنی آنکھوں سے دیکھ لیا،خالد مقبول صدیقی نے عوام سے سوال کی کہ کوئی جواب دیگا کہ اگر  کوئی شرپسندگی کیلئے آئیگا تو وہ اپنی مائوں ،بہنوں ،بچوں اور بزرگوں کو ساتھ لیکر آئیگا ؟یہ جو کل حکومتی دہشت گردی ہوئی ہے اسکا حساب دینا پڑیگا۔اس شہر میں تمام لوگ وارثان پاکستان اور کراچی کے اصل نمائندے ہیں ،ہماری تحریک ہمیشہ پر امن رہی ہے۔ایم کیو ایم کیخلاف ہمیشہ حکومت اور حکومتی اداروں نے دہشت گردی کی ہے آج محمد اسلم شہید کے بچے ہمارے درمیان موجود ہیں ہر مہذب معاشرے میں بچے ریاست کی ذ مہ داری ہوتے ہیں حتیٰ کہ دشمن کے بچے بھی ریاست کی ذمہ داری ہوا کرتے ہیں لیکن یہ اس شہر کے بچے ہیں جو پورے پاکستان کو پالتا ہے اور یہ بچے بانیان پا کستان کی اولادوں کی اولادیں ہیں ان کی کفالت کیلئے یہ شہر ہی کافی ہے ۔ایک سوال کا جواب دیتے ہوئے ڈاکٹر خالد مقبو ل صدیقی نے کہا کہ اسلم شہید کا پوسٹ مارٹم ہوگا یانہیں اس کی اجازت سیاسی جماعت نہیں بلکہ خاندان والے دینگے۔لاتعداد ایسی ویڈیوز موجود ہیں جس میں محمد اسلم شہید کو آنسو گیس کے شیل کے درمیان دیکھا جاسکتا ہے وہ اسپتال لے جاتے وقت جانبر نہ ہوسکے اس کے باعث ان کی شہادت ہوئی لیکن یہ امر طے ہے کہ ان کی جان آنسو گیس کی شیلنگ اور لاٹھی چارج کی وجہ سے ہوئی۔ 

شمالی کوریا میں کرونا بے قابو، فوج تعینات