سعودی ائیر لائن، شہریوں کے لیے بیرون ملک پروازیں چلانے کی تیاریاں مکمل
سعودی ایئرلائن نے کہا ہے کہ شہریوں کے لیے بیرون ملک پروازیں چلانے کی تیاریاں مکمل کی جاچکی ہیں۔ سعودی نشریاتی ادارے کے مطابق سعودی ایئرلائن میں کمیوکیشن شعبے کے سربراہ انجینئر عبد اللہ الشہرانی نے کہا ہے کہ 31 مارچ سے بیرون ملک سفر کے خواہشند شہری سعودی ایئرلائن کے ذریعہ سفر کر سکیں گے جس کے لئے تمام تیاریاں مکمل کرلی گئی ہیں۔ انہوں نے کہا کہ مسافروں کے سفر کے لیے تمام حفاظتی تدابیر کو یقینی بنایا جائے گا۔انہوں نے کہا ہے کہ کورونا وائرس بحران کے باعث شہریوں کا بیرون سفر معطل تھاجسے بحال کیا جارہا ہے۔ عبد اللہ الشہرانی نے کہا کہ سعودی ایئرلائن شہری ہوابازی سمیت وزارت صحت اور دیگر متعلقہ اداروں کے تعاون سے شہروں کو بیرون ملک سفر کی سہولت فراہم کرنے کے لیے تیار ہے۔
