گوجرخان(نامہ نگار) شیخ علی عابد کے جاری اعلامیہ کے مطابق ڈسٹرکٹ ہاکی ایوسی ایشن راولپنڈی اور سپورٹس ڈیپارٹمنٹ راولپنڈی کے زیر اہتمام محمد اشفاق فکو اولمپئین میموریل ہاکی ٹورنامنٹ کا فائنل گزشتہ روزشہناز شیخ ہاکی اسٹیڈیم راولپنڈی میں الفیصل کلب اسلام آباد اور شادمان کلب راولپنڈی کے درمیان کھیلا گیا فائنل ایک سنسی خیز مقابلے کے بعد الفیصل کلب نے شادمان کلب کو چار کے مقابلے میں پانچ گول سے شکت دے کر ٹرافی اپنے نام کر لی فائنل میچ مقررہ وقت میں ایک ایک گول سے برابر رہا پانچ پانچ پنالٹی شوٹ پر بھی تین تین گول سے برابر رہا گولڈن پنالٹی پر بھی تین تین شوٹ آوٹ پر الفیصل نے کامیابی حاصل کر لی فائنل میچ میں ایمپائرنگ کے فرائض شاہ زیب ، اسد عباس اور ساجد رضا نے سر انجام دئیے جبکہ ٹیکنیکل آفیشل میں محمد اشرف، نصیر احمد مغل اور گلفام کھوکھر موجود تھے فائنل میچ کے اختتام پر ایک خوبصورت تقریب تقسیم انعامات منعقد کی گئی فائنل میچ کے مہمان خصوصی مشیر وزیر اعلیٰ پنجاب و چئیرمین پی ایم اے آصف محمود تھے جنہوں نے ونر اور رنر دونوں ٹیموں میں ٹرافیاں ،گولڈ میڈل اور سلو ر میڈلز تقیسم کیے ڈسٹرکٹ ہاکی ایسو سی ایشن راولپنڈی نے محمد اشفاق فکو اولمپئین کیمسز نسیم اختر کو ایک خوبصورت سوینئر بھی پیش کیا تقریب کے اختتام پر شیخ علی عابد جنرل سیکریٹری ڈسٹرکٹ ہاکی ایسو سی ایشن راولپنڈی نے اپنے خطاب میں تمام کھلاڑیوں ، آفیشلز اور شائقین ہاکی کا شکریہ ادا کیا

اور مہمان خصوصی سے مطالبہ کیا کہ اسٹیڈیم میں کھلاڑیوں اور آفیشلز کی رہائش کے لیے ایک ہاسٹل کی اشد ضرورت ہے آصف محمود مشیر وزیر اعلیٰ پنجاب نے اپنے خطاب میں کہا کہ میں ڈسٹرکٹ ہاکی ایسو سی ایشن راولپنڈی کو اتنا خوبصورت ٹورنامنٹ منعقد کرنے پر مبارکباد پیش کرتا ہوں۔