مونس الٰہی، محمد جبران کو بیرون ملک سے گرفتار کرنے کیلئے اقدامات کئے جائیں: عدالت 

لاہور (خبرنگار) سپیشل سینٹرل عدالت کے جج تنویر احمد شیخ نے ایف آئی اے منی لانڈرنگ مقدمے میں مونس الہٰی کی گرفتاری کیلئے  20 جنوری تک دوبارہ اقدامات کرنے کا حکم دے دیا۔ تحریری حکم میں عدالت نے کہا کہ مونس الہی اور محمد جبران کو بیرون ملک سے گرفتار کرنے کیلئے اقدامات کیے جائیں۔ آئندہ سماعت پر گرفتاری سے متعلق اقدامات کی رپورٹ پیش کی جائے۔ جے آئی ٹی کے ہیڈ عمرے پر ہونے کے باعث عدالت پیش نہیں ہوئے۔ عدالت نے پرویز الہٰی کی بریت کی درخواست پر نوٹس جاری کرتے فریقین سے دلائل طلب کر لئے۔