لاہور میں جمعہ کو صبح سویرے پھر بادل برس پڑے، کہیں ہلکی اور کہیں تیز بارش سے نشیبی علاقوں میں پانی جمع ہوگیا۔ لیسکو کے 45سے زائد فیڈر ٹرپ کر گئے۔ تفصیلات کے مطابق مون سون کا نیا سپیل رنگ دکھانے لگا۔ لاہور میں بارش سے درجہ حرارت میں کمی ہوئی اور موسم خوشگوار ہو گیا۔ بارش کے بعد نشیبی  علاقوں میں بارشی پانی جمع ہو گیا، سڑکوں پر ٹریفک کا نظام بھی درہم برہم ہو گیا اور شہریوں کو شدید پریشانی کا سامنا کرنا پڑا۔بارش سے ایک مرتبہ پھر لیسکو کا ترسیلی نظام بھی ٹھنڈا ہو گیا اور 45 سے زائد فیڈرز ٹرپ کر گئے، شہر کے کئی علاقوں کی بجلی بند ہوگئی۔محکمہ موسمیات کے مطابق بارش کا سلسلہ وقفے وقفے سے جاری رہے گا اور مون سون کا سپیل اتوار تک شہر میں بارش برساتا رہے گا۔

 شہری دوران سفر ضروری دستاویزات ہمراہ رکھیں ، ایس ایس پی آپریشنز