جنگی جنون‘بھارت کی سرحد پرگائوں والوں کوفصل کٹائی کیلئے    2روز کی مہلت 

لاہور (نوائے وقت رپورٹ)بھارت نے بین الاقوامی سرحد سے منسلک گاؤں رورانوالا خرد (اٹاری) میں فصلوں کی کٹائی کے اعلانات کروا دئیے ہیں۔ ذرائع کے مطابق بھارتی پنجاب میں واقع گردوارے سے عوام کیلئے اعلانات کرائے گئے ہیں۔بی ایس ایف کی جانب سے اعلان میں عوام کو 2روز کی مہلت دیتے ہوئے کہا ہے کہ جنکی فصلوں کی کٹائی رہتی ہے وہ دو دن میں مکمل کرلیں اسکے  بعد سرحد کے قریبی گیٹ بند کر دیئے جائیں گے۔ ذرائع کا کہنا تھا کہ ان اعلانات سے واضح ہوتا ہے کہ مودی کا جنگی جنون بڑھ رہا ہے۔دفاعی ماہرین کا کہنا ہے کہ بھارت نے روایتی جنگ کا آغاز کیا تو بھارت بھی محفوط نہیں رہے گا،جنگ کا آغاز بھارت کرے گا لیکن اختتام پاکستان کرے گا۔