افغان وزیر خارجہ کی بھارتی تاجروں کو افغانستان میں سرمایہ کاری کی دعوت

کابل(نیٹ نیوز)  افغان عبوری وزیر خارجہ امیر خان متقی کی بھارت کے ایران، افغانستان اور پاکستان کے لیے خصوصی مندوب  آنند پرکاش سے ملاقات ہوئی جس میں دو طرفہ سیاسی اور تجارتی تعلقات اور علاقائی صورتحال پر تبادلہ خیال ہوا۔افغان وزارت خارجہ کے مطابق امیر خان متقی نے بھارت افغان سفارتی اور تجارتی تعلقات میں اضافے کی ضرورت پر زور دیا اور بھارتی سرمایہ کاروں کو افغانستان میں سرمایہ کاری کی دعوت دی۔  امیر خان متقی نے  بھارت سے افغان تاجروں، طلبا اور مریضوں کی ویزا سروس بحال کرنے کا مطالبہ بھی کیا۔امیر خان متقی نے کہا افغانستان میں اس وقت مختلف شعبوں میں سرمایہ کاری کے لیے سازگار مواقع موجود ہیں۔