گراں فروشی کے خلاف مہم 27 دکاندار کو جیل بھیجا گیا 5لاکھ روپے جرمانہ
کراچی (اسٹاف رپورٹر ) کمشنر کراچی اعجاز احمد خان کی ہدایت پر شہر کے تمام علاقوں میں ماہ رمضان المبار ک :گراں فروشی کے خلاف انتظامیہ کی مہم جاری ہے کمشنر کراچی اعجاز احمد خان نے ڈپٹی کمشنرز کو ہدایت کی ہے کہ وہ گراں فروشی کے خلاف مہم جاری رکھیں ماہ رمضان المبارک میں روزہ داروں کو مناسب اور رعائتی قیمت پر اشیا ئے خورد ونوش کی فراہمی کے اقدامات کئے گئے ہیں یقینی بنائیںکہ ان پر عمل ہو اور روزہ داروں کو سرکاری نرخ پر دستیاب ہوں اس بات کو بھی یقینی بنائیںکہ دکاندار اور ٹھیلے والتے سرکاری نرخ نمایا ں طور پر آویزاں کریںکمشنر کراچی کی ہدایت پر ہفتہ کوکارروائی کر تے ہوئے ضلعی انتظامیہ کے متعلقہ افسران نے 358 گراں فروش دکانداروں کے خلاف کارروائی کی جس میں 27 گراں فروشوں کو جیل بھیجا گیا مہم میں کارروائی کے دوران فروٹس، سبزی ،کریانہ ، دودھ،آٹا گوشت ، کھجلہ کھجور ، بیسن سمیت دیگر کھانے پینے کی اشیا میں گراں فروشی کے مرتکب دکانداروں کے خلاف کارروائی کی گئی کارروائی میں مجموعی طور پر 5لاکھ روپے سے زائد جرمانہ عاید کیا گیا. کمشنر نے کہا ہے روزہ داروں کو ماہ رمضان المبارک میں قیمتوں میں ریلیف فراہم کرنے اور سرکاری قیمت پر اشیا کی دستیابی کو یقینی بنانے کے لیے گراں فروشوں کے خلاف مہم جاری رہے گی انھوں نے کہا کہ انتظامیہ کی ہر ممکنہ کوشش ہے کہ روزہ داروں کو ماہ رمضان المبار ک میں اشیا خوردونو ش مناسب قیمت پر دستیاب ہوں ۔ کمشنر کراچی نے تمام ڈپٹی کمشنرز کو ہدایت کی ہے کہ دکانداروں کو پابند کریں کہ وہ سرکاری نر خ کی فہرستیں نمایاں طور پر آویزاں کریں ۔ اور اگر کسی دکاندار کے خلاف شکایت ہو تو کمشنر کراچی کے دفتر میںفون نمبر 1299 پر شکایت درج کرائیں ۔