پی ٹی آئی خواتین میں مقبول، 18 فیصد حلقوں میں مرد مخالف  ووٹ ڈالا: فافن 

اسلام آباد (نوائے وقت رپورٹ) عام انتخابات میں ملک بھر میں تحریک انصاف خواتین میں مقبول جماعت میں پہلے نمبر پر، ن لیگ دوسرے اور پیپلز پارٹی تیسرے نمبر پر رہی۔ فافن نے مردوں کے مقابلے میں خواتین ووٹرز کے رجحان سے متعلق رپورٹ جاری کر دی، عام انتخابات میں 18 فیصد حلقوں میں خواتین نے مردوں سے مختلف ووٹ ڈالے، 82 فیصد حلقوں میں مرد اور خواتین ووٹرز کا انتخاب جیتنے والا امیدوار تھا۔ رپورٹ کے مطابق شہری حلقوں میں خواتین نے مردوں کے مقابلے میں مردوں سے مختلف ووٹ دیا۔ اسلام آباد کے حلقوں 37خواتین نے مرد ووٹرز کے مقابلے میں مختلف امیدوار کو ووٹ دیا جبکہ بلوچستان کی خواتین نے37، سندھ 19 اور پنجاب میں 18 فیصد مردوں سے مختلف ووٹ دیا۔ فافن رپورٹ میں بتایا گیا کہ پنجاب میں ن لیگ خواتین ووٹرز میں زیادہ مقبول رہی۔ سندھ میں پی پی نے خواتین ووٹرز کو زیادہ راغب کیا، این اے 37 میں خواتین نے جیتنے والے امیدوار کے مخالف کو زیادہ ووٹ کیا۔ این اے 266 میں خواتین ووٹرز نے جیتنے والے امیدوار کو زیادہ ووٹ دئیے، خواتین پولنگ سٹیشنز پر زیادہ ووٹ جیتنے والے امیدواروں نے حاصل کیا۔