سو یڈن میں قرآن کی بے حرمتی کیخلاف سینٹ آج قرارداد منظور کرے گا

ایوان بالا کا اجلاس چیئرمین سینٹ صادق سنجرانی کی زیر صدارت منعقد ہوا۔ سینیٹر بہرہ مند تنگی نے تجویز دی کہ جمعہ کو معمول کا ایجنڈا معطل کر کے یورپی ممالک میں قرآن پاک کی بے حرمتی کے حالیہ واقعات کے خلاف قرارداد منظور کی جائے۔ گذشتہ روز ایوان بالا کے اجلاس میں سینیٹر بہرہ مند تنگی نے اظہار خیال کرتے ہوئے تجویز دی کہ (کل )جمعہ کو معمول کا ایجنڈا معطل کر کے یورپی ممالک میں قرآن پاک کی بے حرمتی کے حالیہ واقعات کے خلاف قرارداد منظور کی جائے اور ارکان اس حوالے سے اظہار خیال کریں۔ چیئرمین سینٹ نے ایوان کی رائے لینے کے بعد ریمارکس دیئے کہ (آج) جمعہ کو ایوان میں قرآن پاک کی بے حرمتی کے حالیہ واقعات پر ارکان اظہار خیال کریں گے اور اس حوالے سے ایک قرارداد بھی منظور کی جائے گی۔