علامہ اقبال ایکسپریس کی2  بوگیاں  پٹڑی سے اتر گئیں،  مسافروں میں خوف و ہراس

کوٹری(نامہ نگار)علامہ اقبال ایکسپریس ٹرین کو حادثہ پیش آیا، جس سے مسافر بوگیاں پٹڑیس ے اتر گئیں۔ریلوے حکام کے مطابق پنجاب سے کراچی آنے والی علامہ اقبال ایکسپریس کو حادثہ کوٹری ریلوے اسٹیشن کے قریب پیش آیا، جس میں 2 مسافر بوگیاں پٹڑی سے اتر گئیں۔حادثے سے ٹرین کے مسافروں میں خوف و ہراس پھیل گیا۔بعد ازاں ریلوے کے عملے نے اطلاع ملنے پر مرمتی کام شروع  کیا۔ حکام نے بتایاکہ حادثہ ڈائون ٹریک پر ہوا ہے، مزید کئی گھنٹے مرمت میں لگ سکتے ہیں۔ حادثے کے بعد دیگر ٹرینوں کو پلیٹ فارم نمبر 4 سے روانہ کیاگیا۔