کراچی ( کامرس رپورٹر )پاکستان سٹاک مارکیٹ میں جمعرات کو کاروباری اتار چڑھاﺅ کے بعد مندی کا رجحان رہا ‘ سرمایہ کاروں کے 13ارب روپے سے زائد ڈوب گئے۔مندی کے سبب56.79 فیصد حصص کی قیمتیں بھی گھٹ گئیں۔سٹاک مارکیٹ میں جمعرات کو کاروبار کا آغاز مثبت ہوا اور ٹریڈنگ کے دوران انڈیکس 41200پوائنٹس کی سطح عبور کر گیا تھا تاہم منافع کی خاطر فروخت کے دباﺅ سے مارکیٹ تنزلی کا شکار ہوئی۔سٹاک ماہرین کے مطابق سیاسی جماعتوں میں تناﺅ کی وجہ سے منفی قیاس آرائیو ں سے مارکیٹ کو مندی سے دو چار کر رکھا ہے۔گذشتہ روز کے ایس ای100انڈیکس میں 87.65پوائنٹس کی کمی واقع ہوئی جس سے انڈیکس 41117.33پوائنٹس سے کم ہو کر41029.68پوائنٹس ہو گیا۔ 19.66پوائنٹس کی کمی سے کے ایس ای30انڈیکس 14595.35پوائنٹس سے گھٹ کر14575.69پوائنٹس پر آگیا جبکہ کے ایس ای آل شیئرز انڈیکس 27485.23 پوائنٹس سے کم ہو کر27427.73پوائنٹس پر بند ہوا۔کاروباری مندی کی وجہ سے مارکیٹ کے سرمائے میں 13 ارب 2 کروڑ 91 لاکھ 14 ہزار 499روپے کی کمی واقع ہوئی جس کے نتیجے میں سرمائے کا مجموعی حجم 62 کھرب 27 ارب67کروڑ 63لاکھ 94 ہزار 456 روپے سے کم ہو کر62 کھرب 14ارب 64 کروڑ 72 لاکھ79ہزار 957 روپے رہ گیا۔ارب روپے مالیت کے12کروڑ53لاکھ44ہزار حصص کے سودے ہوئے جبکہ بدھ کو2ارب روپے مالیت کے10کروڑ55لاکھ72ہزار حصص کے سودے ہوئے تھے۔ مجموعی طور پر 324کمپنیوں کا کاروبار ہوا جس میں سے110کمپنیوں کے حصص کی قیمتوں میں اضافہ ،184میں کمی اور30کمپنیوں کے حصص کی قیمتوں میں استحکام رہا۔کاروبار کے لحاظ سے گل احمد1کروڑ7لاکھ ،پاک ریفائنری 83لاکھ70ہزار ،ورلڈ کال ٹیلی کام81لاکھ 5ہزار ،گولبل ریزیڈنسی 52لاکھ48ہزار اور میپل لیف52لاکھ37ہزار حصص کے سودوں سے سرفہرست رہے۔