پی ٹی آئی کا الیکشن ترامیمی بل کے حوالے سے بڑا اعلان
اسلام آباد:تحریکِ انصاف نے الیکٹرونک ووٹنگ مشین کے خاتمے اور اوورسیز پاکستانیوں کو ووٹ کے حق سے محروم کرنے کے بل کوعدالت میں چیلنج کرنے کا اعلان کر دیا ہے۔بابر اعوان نے آئندہ الیکشن میں ای وی ایم کے استعمال کے خاتمے کے بل کو مسترد کرتے ہوئے کہا یہ سپریم کورٹ کے فیصلے کی توہین ہے اور بل کو عدالت میں چیلنج کریں گے۔کہا حکومت میں آکرپہلا کام یہی ہو گا کہ اوورسیز کا حق دوبارہ بحال کریں کیونکہ اوورسیز پاکستانیوں نے معیشت کی بہتری کیلئےترسیلات بھیجیں اور روشن ڈجیٹل اکاؤنٹس سے 5 ارب سے زائد رقم پاکستان آئی۔سینیٹر بابر اعوان نے کہا ہے کہ جب تک امپورٹڈ حکومت نہیں جاتی اسمبلی کی طرف نہیں دیکھیں گے اور آج انہوں نے اسمبلی میں منہ کالا کرنے کی کوشش کی ہے۔حکومت پر تنقید کرتے ہوئے بابر اعوان نے کہا کہ وزیراعظم اور ان کی 60 فیصد کابینہ ضمانتوں پر ہے جبکہ کچھ ضمانتیں عدالتوں اور کچھ وہاں جہاں سے امپورٹڈ مال آیا ہے۔
