شارٹ کٹ پر یقین نہیں رکھتی‘آئٹم گرل متیرا
لاہور(این این آئی) معروف آئٹم گرل متیرا نے کہا ہے کہ نازیبا حرکتوں سے نہیں فنکارانہ جوہر دکھا کرکامیابی چاہتی ہوں، ترقی کرنا ہرانسان کا حق ہے، سستی شہرت کے لیے وقتی کامیابی تومل جاتی ہے لیکن وہ دیرپا نہیں ہوتی۔ فنون لطیفہ کے تمام شعبوں میں ہرکوئی آنا چاہتا ہے مگرشہرت اورکامیابی انھی لوگوں کے حصے میں آتی ہے ، جوفنکارانہ صلاحیتوں سے مالا مال ہوں۔اپنے ایک انٹرویو میں ماڈل و اداکارہ متیرا نے کہا ہے کہ شہرت اورکامیابی انھی لوگوں کے حصے میں آتی ہے جو اپنے کام سے مخلص ہوتے ہیں، شارٹ کٹ پر یقین نہیں رکھتی،پاکستان میں باصلاحیت لوگوں کے لیے ترقی کے بہت راستے موجود ہیں، موجودہ دورمیں جن فنکاروں کی پہچان ان کا کام ہے اورلوگ ان سے بے پناہ پیارکرتے ہیں، اس کے پیچھے ان کی کڑی محنت شامل ہے، مگرشارٹ کٹ کے ذریعے آگے آنے والے یہ سب کچھ بھلا کرسفارش یا پھرنازیبا حرکات کرکے آگے آجاتے ہیں۔