اساتذہ کو قرعہ اندازی کے  ذریعے فلیٹس دینے کا اعلان 

لاہور ( لیڈی رپورٹر ) محکمہ سکول ایجوکیشن کا اساتذہ کیلئے رہائشی منصوبہ کا اعلان، صوبہ بھر کے ایک ہزار اساتذہ کو قرعہ اندازی کے ذریعے فلیٹ دیئے جائیں گے۔ فلیٹ قرعہ اندازی کے ذریعے ایک ہزار اساتذہ کو دیئے جائیں گے، اساتذہ کو فلیٹ آسان اقساط پر فراہم کیے جائیں گے۔ پنجاب بھر میں سرکاری سکولوں میں پڑھانے والے اساتذہ کی تعداد تین لاکھ ہے، منصوبہ کی کامیابی پر مزید اساتذہ کیلئے رہائشی سکیم متعارف کروائی جائیں گی۔ صوبائی وزیر تعلیم رانا سکندر حیات کا کہنا تھا کہ منصوبہ کی منظوری کیلئے تجاویز پر کام کیا جارہا ہے، تجاویز تیار کرنے کے بعد کابینہ کمیٹی سے جلد منظوری لی جائے گی۔