بلاول کی زیر صدارت اجلاس، سنٹرل پنجاب سے امیدوار شارٹ لسٹ
اسلام آباد (نمائندہ خصوصی) چیئرمین پاکستان پیپلز پارٹی بلاول بھٹو زرداری کے زیر صدارت پارلیمانی بورڈ کا دوسرا اجلاس منعقد ہوا۔ اجلاس میں سنٹرل پنجاب کے صوبائی اسمبلی کے انتخابات میں پارٹی ٹکٹ کے لئے امیدواروں کو شارٹ لسٹ کیا گیا۔ اجلاس میں مسز فریال تالپور، سینیٹر فرحت اللہ بابر، نیئر حسین بخاری، راجہ پرویز اشرف، قمر زمان کائرہ، حسن مرتضی، چودھری منظور احمد، شہزاد سعید چیمہ، تسنیم احمد قریشی، آصف بھاگت اور غلام رضا کاٹھیا نے شرکت کی۔ اجلاس میں صوبائی اسمبلی پنجاب کے لئے امیدواروں جن کا تعلق گوجرانوالہ، گجرات، لالہ موسی، سیالکوٹ، قصور، ڈسکہ، نارووال، سمبڑیال، شکرگڑھ، وزیرآباد، کامونکی، منڈی بہا¶الدین، ملک وال ا ور حافظ آباد کے حلقے شامل ہیں جبکہ پارٹی کا آئندہ اجلاس آئندہ ہفتے بھی ہو گا۔
