لاہور (کامرس رپورٹر) نیشنل ٹرانسمیشن اینڈ ڈسپیچ کمپنی لمیٹڈ (این ٹی ڈی سی ایل) نے ملک بھر کی انجینئرنگ یونیورسٹیوں کے طلبہ کے لئے انٹرشپ ٹریننگ پروگرام شروع کر دیا جس کے تحت 115 سے زائد طلبہ کو ان کی انتظامی اور تکنیکی مہارت کو نکھارنے کیلئے تربیت دی جائے گی۔ اس سلسلے میں واپڈا ہا¶س میں تقریب ہوئی جس میں این ٹی ڈی سی ایل میں نئے بھرتی ہونے والے اسسٹنٹ منیجرز ہیومن ریسورس کو بھی خوش آمدید کہا گیا۔ بعدازاں جنرل منیجرز جی ایس سی قمر اقبال بھٹی، جنرل منیجر جی ایس او اشفاق رائے، جنرل منیجرز سروسز ڈویژن، جنرل منیجر پلاننگ نثار احمد بزمی، چیف آپریٹنگ آفیسر، جنرل منیجر ڈیزائن طاہر محمود اور ڈائریکٹر ایچ آر اینڈ ایڈمنسٹریشن گلزار احمد شیخ نے طلبہ کو بریفنگ دی۔ اس موقع پر کمپنی سیکرٹری دلبر غوری اور دیگر عہدیدار بھی موجود تھے۔