اسلام آباد ہائیکورٹ، بحریہ ٹاو¿ن کے گارڈکی سزا معاف کرنے کیخلاف درخواست پر فریقین کو نوٹس جاری
اسلام آباد (وقائع نگار) اسلام آباد ہائیکورٹ کے جسٹس ریاض احمد خان اور جسٹس محمد عظیم خان آفریدی پر مشتمل ڈویژن بنچ نے بحریہ ٹا¶ن کے گارڈ کی عمر قید کی سزا معاف کرنے کے صدارتی اقدام کے خلاف درخواست پر فریقین کو نوٹس جاری کرتے ہوئے سٹیٹس کو برقرار رکھنے کی ہدایت کے ساتھ سماعت 28 جون تک ملتوی کر دی۔ درخواست گذاروں محمد نعیم اور عمر خیام کی طرف سے اشرف گجر نے م¶قف اختیار کیا بحریہ ٹا¶ن کے مالک ملک ریاض نے اثر و رسوخ کی بنا پر صدر مملکت کی جانب سے سزا معافی کا خط جاری کرایا حالانکہ صدر انسداد دہشت گردی ایکٹ کے تحت سزا یافتہ ملزم کی سزا معاف نہیں کر سکتے لہٰذا سزا معافی کے 13 جون کے حکمنامے کو کالعدم قرار دیا جائے۔