مکرمی! الیکٹرانک میڈیا نے کئی ایسے پروگرام شروع کر رکھے ہیں جن کا مقصد اخلاقی قدروں کی پامالی کے سوا کچھ نہیں۔ ایک نجی ٹی وی نے بھانڈوں کے ذریعے زبان و ادب کی اصلاح کا بیڑا اٹھا رکھا ہے۔ میرا نہیں خیال کہ مہذب معاشرے کے کسی فرد نے آج تک ان کے طرز عمل سے کچھ سیکھا ہو۔ اگر واقعی زبان و ادب اور معاشرتی اقدار کے حوالے سے کچھ کرنا چاہتے ہیں تو ”مئے بھی بدلیں اور نظام مئے کشی بھی“

(شاہ نواز تارڑ ........ لاگر، شیخوپورہ (0300-8859572

وزیراعلیٰ پنجاب سے اپیل

مکرمی! یو سی55 ڈرائی پورٹ مغل پورہ میں واسا کے نصب شدہ ٹیوب ویلوں میں گندا اور مضرصحت پانی سے بیمایاں پھیل رہی ہیں لہذا وزیراعلیٰ پنجاب فوری نوٹس لیں۔

(شیخ عمر دراز،ایم مبین خان، شیخ صابر،ملک ارشاد، ملک ادریس، عمران شیخ، عمر شیخ)

راج گڑھ میں فلٹر پلانٹ لگایا جائے

مکرمی! راج گڑھ میں یو سی81 یوسی 82 اور 86 میں فلٹر پلانٹ نہیں لگایا گیا لوگ پانی کی بوند بوند کو ترس گئے ہیں اور لمبی لمبی قطاریں لگی رہتی ہیں۔ بار ہا شکایت کروائی اپیل ہے کہ پانی پینے کا بہتر انتظام کروایا جائے، ٹیوب ویل دو سال سے خراب ہے جسے درست کروایا جائے۔(عبدالرحیم 0333-4719235)