رام اللہ+مقبوضہ بیت المقدس+تل ابیب(این این آئی+صباح بیوز)اسرائیل میں داخلی سیکورٹی کے ادارے شین بیت نے ایک ایرانی نیٹ ورک کی کوشش کو ناکام بنا دینے کا دعویٰ کیا ہے۔ یہ نیٹ ورک اسرائیل، مغربی کنارے اور غزہ پٹی میں جاسوسی کے لیے ارکان بھرتی کر رہا تھا۔ادھرقابض صہیونی فوج نے فلسطین کے مقبوضہ بیت المقدس شہر میں ایک کارروائی کے دوران بیت حنینا کے مقام سے ایک فلسطینی فوٹو جرنلسٹ کوحراست میں لینے کے بعد نامعلوم مقام پر منتقل کردیا۔علاوہ ازیںاسرائیلی جیلوں میںپابند سلاسل چار بیمار فلسطینی قیدیوں کے بارے میںمعلوم ہوا ہے کہ ان کے معاملے میں صہیونی جیلر مجرمانہ غفلت کے مرتکب ہورہے ہیں جس کے باعث ان کی زندگی خطرے سے دوچار ہوچکی ہے۔صہیونی حکام ان فلسطینیوں کے آئینی طبی معائنے میں دانستہ لاپرواہی برت رہے ہیں۔

شمالی کوریا میں کرونا بے قابو، فوج تعینات