نیا پاکستان قومی صحت کارڈ سے وزیراعظم عمران خان کے عوام کو صحت کی بہترین سہولتیں فراہم کرنے کے خواب کو تعبیر ملی ہے، یونیورسل ہیلتھ انشورنس پروگرام پر پنجاب حکومت 400 ارب روپے خرچ کر ے گی، پنجاب کے 36 اضلاع کے 11 کروڑ عوام اس تاریخ ساز پروگرام سے مستفید ہوں گے، پنجاب حکومت نے شعبہ صحت کی بہتری پر خصوصی توجہ دی ہے،وزیراعلی پنجاب سردار عثمان بزدار کا نیا پاکستان قومی صحت کارڈ کے اجرا کی تقریب سے خطاب

وزیراعلی پنجاب سردار عثمان بزدار نے کہا ہے کہ معیاری ہیلتھ کیئر کی سہولتوں کو بہتر بنانا ہماری اولین ترجیح ہے، نیا پاکستان قومی صحت کارڈ سے وزیراعظم عمران خان کے عوام کو صحت کی بہترین سہولتیں فراہم کرنے کے خواب کو تعبیر ملی ہے، یونیورسل ہیلتھ انشورنس پروگرام پر پنجاب حکومت 400 ارب روپے خرچ کر ے گی، پنجاب کے 36 اضلاع کے 11 کروڑ عوام اس تاریخ ساز پروگرام سے مستفید ہوں گے، پنجاب حکومت نے شعبہ صحت کی بہتری پر خصوصی توجہ دی ہے۔ بدھ کو وزیراعظم آفس اسلام آباد میں نیا پاکستان قومی صحت کارڈ کے اجرا کی تقریب سے خطاب کرتے ہوئے عثمان بزدار نے کہا کہ اللہ تعالی کا شکرادا کرتا ہوں کہ نیا پاکستان قومی صحت کارڈ کے ذریعے ہمیں عوام کی خدمت کی توفیق دی ہے۔ عثمان بزدار نے کہا کہ نیا پاکستان قومی صحت کارڈ کے ذریعے وزیراعظم عمران خان کے عوام کو صحت کی بہترین سہولتیں فراہم کرنے کے خواب کو تعبیر ملی ہے۔عثمان بزدار کا کہنا تھا کہ وزیراعظم عمران خان کی قیادت میں ہیلتھ کارڈ کا اجرا خیبرپختونخوا سے شروع ہوا، ہیلتھ کارڈ کا سفر ساہیوال، ڈیرہ غازی خان اور لاہور ڈویژن سے ہوتا ہوا آج راولپنڈی ڈویژن تک پہنچا ہے۔ عثمان بزدار نے کہا کہ راولپنڈی، جہلم،اٹک اورچکوال کے اضلاع کے شہری 10 لاکھ روپے سالانہ مفت علاج کی سہولت سے مستفید ہوں گے۔ عثمان بزدار نے کہا کہ راولپنڈی ڈویژن کیلئےنیا پاکستان قومی صحت کارڈ کے ذریعے شہری پینل پر موجود 56 ہسپتالوں میں علاج معالجے کی سہولتیں حاصل کرسکیں گے۔ وزیراعلی پنجاب کا کہنا تھا کہ یونیورسل ہیلتھ انشورنس پروگرام پر پنجاب حکومت 400 ارب روپے خرچ کر ے گی جبکہ مارچ کے آخر تک پنجاب کے ہر خاندان کو نیا پاکستان قومی صحت کارڈ کے ذریعے مفت علاج کی سہولت میسر ہوگی۔ عثمان بزدار نے کہا کہ پنجاب کے 36 اضلاع کے 11 کروڑ عوام اس تاریخ ساز پروگرام سے مستفید ہوں گے، پنجاب حکومت نے شعبہ صحت کی بہتری پر خصوصی توجہ دی ہے۔ عثمان بزدار نے کہا کہ معیاری ہیلتھ کیئر کی سہولتوں کو بہتر بنانا ہماری اولین ترجیح ہے، پنجاب حکومت کی شعبہ صحت سے متعلقہ ٹیم نے بے پناہ محنت سے کام کیا ہے۔ عثمان بزدار کا کہنا تھا کہ انشا اللہ ہم پنجاب کو صحت کے حوالے سے ماڈل صوبہ بنائیں گے، پنجاب میں 23 نئے ہسپتال بن رہے ہیں اور متعدد ہیلتھ فسلیٹیز کو اپ گریڈ کیا جا رہا ہے۔ عثمان بزدار نے کہا کہ وہ دن دور نہیں جب وزیراعظم عمران خان کا صحت کی معیاری سہولتوں کی عام آدمی تک رسائی کا خواب پورا ہوگا۔ انہوں نے مزید کہا کہ عام آدمی کو معیاری علاج کی سہولتیں فراہم کرنا ریاست مدینہ کی جانب سے ایک اہم قدم ہے۔