ملک بھر میں ایک مرتبہ پھر سونے کی قیمت تیزی سے نیچے گرنے لگی، فی تولہ کی قدر میں 250 روپے کی گراوٹ دیکھی گئی۔

تفصیلات کے مطابق بین الاقوامی مارکیٹ میں فی اونس سونے کی قیمت میں 9 امریکی ڈالر کی تنزلی دیکھی گئی اور مارکیٹوں میں نئی قیمت ایک ہزار 854 امریکی کرنسی ہو گئی ہے۔

عالمی مارکیٹ میں قیمتیں گرنے کے بعد ملکی صرافہ مارکیٹوں لاہور، کراچی، اسلام آباد،پشاور، کوئٹہ، حیدر آباد، سکھر، راولپنڈی، گوجرانوالا، فیصل آباد سمیت دیگر جگہوں پر فی تولہ سونےکی قیمت میں 250روپے کی گراوٹ دیکھی گئی اور نئی قیمت ایک لاکھ 13 ہزار 200 روپے ہو گئی ہے۔

عمران نے حفیظ شیخ کی شکست کا بدلہ اعتماد کے ووٹ سے لیا

اُدھر دس گرام سونے کی قیمت میں 215 روپے گر کر 97050 روپے ہو گئی ہے، تاہم فی تولہ اور دس گرام چاندی کی قیمتوں میں استحکام دیکھا گیا اور نئی قیمتیں بالترتیب 1300 روپے اور 1114.54 روپے کی سطح پر برقرار ہے۔