سعودی عرب، ماں کی فریاد پر عدالت نے ایک ہی دن میں سماعت مکمل کرکے فیصلہ سنا دیا
سعودی عرب میں شیرخوار بچے کی ماں کی درخواست پر عدالت نے ایک ہی دن میں سماعت مکمل کرکے فیصلہ سنا دیا۔بغیرملکی میڈیا کے مطابق سعودی دارالحکومت ریاض میں عائلی امور کی عدالت میں ایک خاتون نے درخواست دائر کی ہوئی تھی ان کا شیرخوار بچہ شوہر نے چھین لیا ہے۔ رپورٹ کے مطابق عدالت نے کیس کی سماعت کی اور ایک ہی دن میں فیصلہ سناتے ہوئے بچے کو والدہ کے حوالے کرنے کا حکم دے دیا اور کہا ماں شیرخوار کی دیکھ بھال کی زیادہ حقدار ہے۔ عدالت نے فیصلہ صادر کرتے ہوئے یہ بھی کہا کہ شیر خوار کو باپ کے مقابلے میں ماں کی زیادہ ضرورت ہے، باپ اپنے بچے کو اس کی ماں سے چھیننے کا مجاز نہیں ہے۔ دریں اثنا عدالت نے ماں کو یہ بھی سہولت دی ہے کہ وہ بچے سے متعلق دیگر کارروائیاں مقامی اداروں سے مکمل کروا سکتی ہیں، جس کے لیے شوہر سے اجازت کی ضرورت نہیں پڑے گی۔
