کینیا کی فوج نے ترکی سے 118 بکتر بند گاڑیاں خریدنے کا ا اعلان کیا ہے۔کینیا ڈیفنس فورسز کے ترجمان زپورہ کیوکو نے اپنی ملکی سرحدوں کی حفاظت اور دہشت گرد تنظیم الشباب کے خلاف موثر انداز میں لڑنے کے لئے ترکی کی دفاعی سامان تیار کرنے والی کمپنی کٹمرسیلر کے تیار کردہ بکتر بند گاڑیاں "حضر" خریدنے کا اعلان کیا ہے۔کیوکو نے کہا ہے کہ بکتر بند گاڑیوں کی کینیا کی فوج کو ضرورت ہے اس سلسلے میں ترکی سے 118 بکتر بند گاڑیوں کے معاہدے کو حتمی شکل دینے کے قریب پہنچ چکے ہیں،حضر اپنی دفاعی صنعت میں سب سے زیادہ طاقت ور حکمت عملی پر عمل درآمد کرنے والی بکتر بند گاڑیاں ہیں۔حضر جو مکمل طور پر ترک انجینئرنگ کی جانب سے تیار کردہ ہے ،یہ بارودی سرنگوں اور ہاتھ سے تیار شدہ دھماکہ خیز مواد کے خلاف بہتر تحفظ فراہم کرتی ہے ، اس میں متعدد دیگر خصوصیات کے ساتھ ساتھ اس کی طاقت 400 ہارس پاور ہے۔یہ بکتر بند گاڑیاں نیٹو کے معیار کے مطابق تیار کی گئی ہیں بارودی سرنگوں سے بہترین سطح کا تحفظ فراہم کرتی ہی۔ان کا کہنا تھا کہ تمام بین الاقوامی ٹیسٹ اور تجربات کی منظوری کے بعد ان گاڑیوں کی خریداری کا فیصلہ کیا گیا ہے۔

بلاول بھٹو سے قائم علی شاہ کی ملاقات‘ ملکی سیاسی صورتحال پر تبادلہ خیال