شاہکار ناول لکھنے والی نامور پاکستانی ادیبہ بپسی سدھوا انتقال کرگئیں

کراچی (نیٹ نیوز) پاکستان کی معروف انگریزی ناول نگار بپسی سدھوا ہیوسٹن، امریکا میں طویل علالت کے بعد انتقال کرگئیں۔ وہ گجراتی پارسی زرتشتی نسل کی  مشہور پاکستانی ناول نگار تھیں، بپسی سدھوا کا ادبی کیریئر کئی دہائیوں پر محیط تھا، جن میں "دی کرو ایٹرز"، "دی برائیڈ"، "آئس کینڈی مین" ("کریکنگ انڈیا" کے نام سے بھی شائع ہوا)، اور "این امریکن براٹ"۔ شامل ہیں۔ ان کے فکشن کے موضوعات شناخت، ثقافت اور سماجی مسائل تھے۔ سدھوا کو ادب میں ان کی خدمات کے لیے متعدد ایوارڈز اور اعزازات ملے، جن میں پاکستان کا سب سے بڑا قومی اعزاز ستارہ امتیاز بھی شامل ہے۔