وزیراعلیٰ پنجاب عثمان بزدار کی جانب سے یوم قائد اور کرسمس پر بہترین سکیورٹی انتظامات پر پولیس، انتظامیہ کو شاباش دی گئی ۔وزیراعلیٰ پنجاب عثمان بزدار نے اپنے بیان میں کہا کہ عوام کے جان و مال کے تحفظ کیلئے متعلقہ اداروں اور حکام نے بہترین طریقے سے فرائض سرانجام دیئے، پنجاب حکومت کے موثر اقدامات کے باعث صوبے بھر میں یوم قائد اور کرسمس کی تقریبات پرامن ماحول میں منعقد ہوئیں، نئے پاکستان میں مسیحی برادری نے محفوظ اور بہترین ماحول میں کرسمس کی تقریبات منائیں، یوم قائد کی تقریبات کیلئے بھی شاندار انتظامات کئے گئے، جس پر میں پولیس ،انتظامیہ اور دیگر متعلقہ اداروں کو مبارکباد دیتا ہوں۔انہوں نے کہا کہ تقریبات کے دوران ایس او پیز پر عمل کرنے پر مسیحی برادری کو خراج تحسین پیش کرتا ہوں، کابینہ کمیٹی کے تمام اراکین نے دن رات محنت کر کے امن و عامہ کے قیام کا قومی فریضہ بطریق احسن سرانجام دیا، صوبائی اداروں اور محکموں کے ساتھ متعلقہ ایجنسیوں کی کوآرڈینیشن بہترین رہی، متعلقہ محکموں اور اداروں نے ٹیم ورک کے طور پر کام کیا، عوام کے جان و مال کے تحفظ کیلئے متعلقہ اداروں اور حکام نے فعال انداز میں فرائض سرانجام دیئے، اسی جذبے، محنت اور عزم کے ساتھ آئندہ بھی قیام امن کیلئے کام کرنا ہے۔
پنجاب حکومت نے پیر کو چھٹی کا اعلان کر دیا
Mar 28, 2024 | 17:38