افغانستان کو دوبارہ حملے کےلئے استعمال نہیں ہونے دیں گے: امریکہ
واشنگٹن (آن لائن)امریکہ نے کہا ہے کہ افغانستان کے حوالے سے حکمت عملی زمینی حقائق دیکھ کر بنائیں گے۔ وائٹ ہاو¿س میں بریفنگ دیتے ہوئے ترجمان سارہ سینڈرز نے کہا کہ ڈونلڈ ٹرمپ امریکیوں کی زندگیاں محفوظ بنانے کے لیے پرعزم ہیں۔ افغانستان کو دوبارہ امریکہ پرحملے کے لیے کبھی استعمال نہیں ہونے دیں گے۔ ترجمان وائٹ ہاو¿س نے بتایا افغانستان سے متعلق نئی پالیسی کا ٹائم فریم نہیں دیا جا سکتا۔ افغانستان میں موجود امریکی کمانڈرز حکمت عملی زمینی حقائق کے مطابق بنائیں گے۔ ایک سوال کے جواب میں سارہ سینڈرز کا کہنا تھا افغان جمہوری عمل میں بھارت کا تعاون اہم ہو گا۔