ای وی چارجنگ سٹیشنز کیلئے بجلی کا بنیادی نرخ 39.70 روپے فی یونٹ مقرر 

اسلام آباد(نمائندہ  خصوصی)وفاقی حکومت نے بجلی سے چلنے والی گاڑیوں(ای وی)کی  چارجنگ اسٹیشنز کے لیے بجلی کا بنیادی نرخ  70 روپے سے کم کرکے 39.70 روپے فی یونٹ مقرر کر دیا ہے، جبکہ چارجنگ اسٹیشنز کے مالکان کو آپریٹنگ اخراجات پورے کرنے کے لیے اضافی چارجز لگانے کی اجازت دے دی گئی ہے، جن پر اب کوئی حد مقرر نہیں ہوگی۔یہ اعلان نیشنل انرجی ایفیشنسی اینڈ کنزرویشن اتھارٹی (نییکا) کے منیجنگ ڈائریکٹر ڈاکٹر سردار محازم نے فیڈریشن آف پاکستان چیمبرز آف کامرس اینڈ انڈسٹری (FPCCI) کی سنٹرل اسٹینڈنگ کمیٹی برائے انرجی کے پانچویں اجلاس میں کلیدی خطاب کے دوران کیا ۔  یونائیٹڈ بزنس گروپ کے پیٹرن ان چیف ایس ایم تنویر نے کہا کہ ایف پی سی سی آئی حکومت کی کوششوں میں بھرپور کردار ادا کرے گا تاکہ پاکستان میں فوسل فیول کے استعمال کو کم کر کے ماحولیاتی بہتری لائی جا سکے۔  اے ڈی ایم گروپ کے سی ای او یاسر بھنبانی نے بتایا کہ ان کا گروپ پاکستان بھر میں 3,000 سے زائد ای وی چارجنگ اسٹیشنز قائم کرنے کا منصوبہ رکھتا ہے، جو کراچی سمیت دیگر شہروں میں الیکٹرک بسز کو بھی چارج کریں گے۔ اس اجلاس میں نائب صدر ایف پی سی سی آئی طارق جدون، سابق ایم این اے سائمہ ندیم، پاکستان پیٹرولیم ڈیلرز ایسوسی ایشن کے چیئرمین عبدالسامی خان، اے ڈبلیو ٹی فیول کے سی ای او جنرل خالد ملک، انرجی اپڈیٹ کے مینیجنگ ایڈیٹر نعیم قریشی، حلیمہ خان، ملک سہیل، میجر جنرل (ر) عابد لطیف، تنویر کامران، خالد ملک ، سید احسن عباس، یاسر خان، آفتاب قاضی ، نظام احمد ، بابر علی چوہدری ، نسیرالدین ہمایوں ، مہروش فاطمہ ، قففان حیدر ، نوید اقبال بھٹی ، شاہد قادری، قاسم ظہیر ، راجہ عمران اللہ ، اسد احمد ، فہیم خان ، اور فہیم خان نے بھی خطاب کیا۔