کئی گھروں میں ڈاکے، متعدد راہگیر لٹ گئے، کاریں، موٹرسائیکلیں چوری 

لاہور (نامہ نگار) ڈاکوؤں اور چوروں نے  متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے نواب ٹاؤن میں عدیل کے گھر گھس کر اہلخانہ کو یرغمال بنا کر ساڑھے 5 لاکھ کی نقدی، طلائی زیورات، موبائل فون اور دیگر سامان، باغبانپورہ میں جواد اور اس کی فیملی سے 4 لاکھ 45 ہزار روپے مالیت کی نقدی، طلائی زیورات اور موبائل فون، کوٹ لکھپت میں فیصل سے 3لاکھ روپے اور موبائل فون، ہنجروال میں اکرم سے 2لاکھ 10 ہزار روپے اور موبائل فون، سندر میں عدنان سے ڈیڑھ لاکھ روپے اور موبائل فون، مانگا منڈی میں ناصر سے ایک لاکھ36ہزار روپے اور موبائل فون، شاہدرہ میں عمر سے ایک لاکھ روپے اور موبائل فون، راوی روڈ  میں جمیل سے 90 ہزار روپے اور موبائل فون، برکی میں ارشد سے 66 ہزار روپے نقدی اور موبائل فون، برکی میں حفیظ سے 46ہزار روپے اور موبائل فون، گرین ٹاؤن میں عمران سے 31 ہزار روپے اور موبائل فون، ریس کورس کے علاقے میں اشفاق سے 17 ہزار روپے اور موبائل فون لوٹ لیا۔ چوروں نے نصیر آباد، راوی روڈ اور ساندہ کے علاقوں میں سے 3 کاریں، لٹن روڈ  سے رکشہ جبکہ مانگا منڈی، اقبال ٹاؤن، مزنگ، لوئر مال، شیراکوٹ، فیکٹری ایریا اور سندر کے علاقوں میں سے 7موٹرسائیکلیں چوری کرلی گئیں۔