ویمنز بلائنڈ ٹی ٹونٹی سیریز‘پاکستان ‘آسٹریلیا کے درمیان پانچواں میچ بھی بارش کی نذر 

لاہور(سپورٹس رپورٹر)پاکستان اور آسٹریلیا کے مابین جاری پہلی انٹرنیشنل ویمنز بلائنڈ ٹی 20کرکٹ سیریز 1-1سے ڈرا ہو گئی۔ آسٹریلوی شہر برسبین میں کھیلی جانیوالی سیریز کا پانچواں اور آخری ٹی ٹونٹی میچ بھی بارش کی نذر ہوگیا اور امپائرز نے گیلی آئوٹ فیلڈ ہونے کے باعث میچ ختم کرنے کا اعلان کیا۔ اس سے قبل تیسرا اور چوتھا میچ بھی بارش کی نذر ہوگیا تھا۔ سیریز کے پہلے میچ میں پاکستان جبکہ دوسرے میچ میں آسٹریلیا نے کامیابی حاصل کی تھی جس کے بعد سیریز 1-1سے ڈرا ہوگئی۔