سید احسن عباس رضوی مجلس وحدت مسلمین ضلع ملیر کے دوبارہ صدر منتخب
کراچی (نیوز رپورٹر) سید احسن عباس رضوی دوبارہ بھاری اکثریت کے ساتھ مجلس وحدت مسلمین ضلع ملیر کراچی کے صدر منتخب ہوگئے۔ضلع ملیر کا راہیان کربلا کنونشن و انٹراپارٹی الیکشن برائے سال2022-25 مسجد حسنین جعفرطیار سوسائٹی ملیر میں صوبائی صدر علامہ سید باقرعباس زیدی کی زیر صدارت منعقد ہوا ،مولانا گلزار حسین شاہدی، احسن عباس رضوی اور شعیب رضا کے نام صدارتی انتخاب کیلئے پیش کیئے گئے، اجلاس میں اراکین ضلعی شوریٰ نے کثرت رائے سے سید احسن عباس رضوی کو آئندہ تین سال کیلئے دوبارہ ایم ڈبلیو ایم ضلع ملیر کا صدر منتخب کرلیا۔ صوبائی صدر علامہ باقرعباس زیدی نے نومنتخب ضلعی صدر سے ان کے عہدے کا حلف لیا.نومنتخب ضلعی صدر ایم ڈبلیوایم ملیر سید احسن عباس رضوی نے تقریب حلف برداری کے بعد خطاب کرتے ہوئے کہا کہ ایم ڈبلیوایم کا دستور راہ نمااور راہ کشاءہے، ہر کارکن خودسازی پر خصوصی توجہ دے، عبادات اور مناجات سمیت اجتماعی فعالیت میں خدائی رنگ کو ملحوظ خاطر رکھے۔ امید ہے کہ تمام عہدیداران اور کارکنان پہلے سے زیادہ انتھک محنت اور جستجو کے ساتھ تنظیمی ڈھانچے کو مضبوط بنانے کیلئے بھرپور کردارادا کریں گے.اجلاس میں صوبائی رہنما علامہ مختار امامی، ناصرالحسینی، علی احمر زیدی،حیدر زیدی، ڈویژنل صدر علامہ صادق جعفری، ڈویژنل نائب صدر علامہ نشان حیدر ساجدی، زین رضا رضوی، عباس جعفری، صدر مجلس علمائے شیعہ پاکستان ضلع ملیر مولانا سید اعجازعلی شاہ کاظمی، اراکین ضلعی شوریٰ و علمائے کرام سمیت اراکین امامیہ اسٹوڈنٹس آرگنائزیشن، جنرل سیکریٹری شیعہ علماءکونسل ضلع ملیر کامران زیدی، اراکین غازی عباسؑ ٹرسٹ مرتضیٰ محمد عابدی، معراج رضوی، ظفر احسن، اختیار امام، ثمر عباس اور چیئرمین تنظیم المومنین ٹرسٹ اردو نگر ملیر بابر عباس رضوی سمیت دیگر معززین شریک تھے۔
سید احسن عباس رضوی