چائنہ موبائل اور چائنہ ریاستی تعمیرات انجینئرنگ کارپوریشن نے بدھ کے روز وسائل،ٹیکنالوجیز اور مارکیٹس کو فروغ دینے کیلئے اسٹریٹجک تعاون کے ایک معاہدے پر دستخط کئے ہیں۔دونوں بڑی کمپنیاں دونوں صنعتوں کی جدید ترقی کوفروغ دینے کیلئے5جی ٹیکنالوجی کو تعمیراتی شعبے کے ساتھ مربوط کرنے کیلئے کوشاں ہیں۔معاہدے میں بڑے تعمیراتی منصوبے،نئے ڈھانچے کی تعمیر، بیرون ملک خدمات، ٹیلی مواصلات اور معلوماتی شعبے میں تعاون کو مزید گہرا کرنے کا فیصلہ کیاگیا۔چائنہ موبائل ملک کی ایک بڑی ٹیلی کام کمپنی ہے جس نے 3لاکھ85ہزارسے زائد5جی بیس اسٹیشنز تعمیر کئے ہیں۔موبائل آپریٹرز کی بین الاقوامی ایسوسی ایشن جی ایس ایم اے کے حالیہ تجزیہ کے مطابق 2020کے آخر تک چین میں5جی کنکشنز20کروڑ تک پہنچنے کی توقع ہے جو کہ پوری دنیاکے85فیصد سے زائد ہے۔

چاند کی روشنی جذب کرکے چمکنے والی ریگستانی چھپکلی دریافت