ضلعی انتظامیہ جلسے کی تیاریوں میں رکاوٹ ڈال رہی ہے: یوسف رضا
ملتان (سپیشل رپورٹر) سابق وزیر اعظم سید یوسف رضا گیلانی کا کہنا ہے کے ہمارے جلسوں میں عوام کو شرکت سے روکا جا رہا ہے جو ہماری کامیابی ہے - میرے دور اقتدار میں کوئی سیاسی قیدی نہیں تھا - اگر میں وزیر اعظم ہوتا تو شہباز شریف اور حمزہ شہباز کو پہلے دن ہی پیرول پہ رہائی دے دیتا - عمران خان کنٹینر پر کھڑے ہو کر غریبوں کو گھر دینے, مہنگائی کم کرنے اور ڈالر سستا کرنے کے جھوٹے وعدے کرتا رہا ہے - جو کوئی وعدہ پورا نہیں کیا ہمیں نیا پاکستان نہیں بلکہ قائد کا پاکستان چاہئے - ایک کروڑ نوجوانوں کو نوکریاں دینے کا اعلان کرنے والوں نے 27 لاکھ افراد کو بے روزگار کر دیا - ضلعی انتظامیہ جلسے کی تیاریوں میں رکاوٹ ڈال رہی ہے - انتظامیہ نے کنٹینرز کی پکڑ دھکڑ شروع کر دی ہے جو موجودہ حکومت کی بوکھلاہٹ کا نتیجہ ہے ان خیالات کا اظہار سابق وزیر اعظم یوسف رضا گیلانی نے ملتان کے علاقہ سورج میانی میں ورکرز کنونشن سے خطاب کرتے ہوئے کیا انکا مزید کہنا تھا کہ اس حکومت نے اپنے منشور پر عمل نہیں کیا کہتے تھے نوکریاں دیں گے لیکن لوگوں کو بے روزگار کردیا گیا کہتے تھے گیس اور بجلی سستی کریں گے لیکن سستا کرنے کی بجائے مہنگائی کی گئی انکا کہنا تھا کے جہاں پی ڈی ایم جلسے نہی کر رہی وہاں کورونا پھیلنے کا ذمہ دار کون ہے- 30 نومبر کے جلسے میں کرونا ایس او پیز پر مکمل عمل درآمد کیا جائے گا پاکستان پیپلزپارٹی نے پچاس ہزار سے زائد ماسک تیار کروا لیے ہیں جو کہ جلسے کے روز تقسیم کیے جائیں گے کارکنوں اور جیالوں کو ہینڈ سینیٹائزر بھی مہیا کیا جائے گا - دریں اثنا یوسف رضا گیلانی نے سابق یوسی چیئرمین ملک رضوان ہانس کے زیر اہتمام پیپلزپارٹی ملتان سٹی کے صوبائی حلقہ 214 کے ورکرز کنونشن کے موقع پر خطاب کرتے ہوئے کہا کہ 2017 میں تاریخی جلسہ ملتان میں ہوا تھا اس وقت کا جلسہ پیپلزپارٹی نے اکیلے کیا تھا اب پی ڈی ایم میں شامل دیگر جماعتیں ہیں اس لئے جتنا مجمع اسٹیڈیم میں ہوگا اس سے کئی گنا زیادہ اسٹیڈیم کے باہر ہوگا۔انہوں نے کہا کہ گزشتہ روز پشاور کا جلسہ بھی بہت بڑا تھا مگر میڈیا کو روکا گیا کہ جلسہ نہ دکھایا جائے ہمارے دور میں میڈیا آزاد تھا۔سید یوسف رضا گیلانی نے کہا کہ حکومت کو ایک مشورہ دیتا ہوں کہ ان کے وزراء اور مشیران گڈ گورننس پر توجہ دیں۔کورونا پر بات کرنا وزیر صحت کا کام ہے مگر یہاں تو سارے وزیر سب کام چھوڑ کر کورونا اور اپوزیشن پر بات کر رہے ہیں۔ورکر کنونشن سے خواجہ رضوان عالم، نوابزادہ افتخار احمد خان، نوید عامر جیوا‘مہر ارشاد سیال، علی حیدر گیلانی، شازیہ عابد، ملک رضوان ہانس، خالد حنیف لودھی، بابو نفیس انصاری، ڈاکٹر جاوید صدیقی، ملک نسیم لابر، راو ساجد علی، اے ڈی بلوچ، عثمان بھٹی، ملک۔شکیل لابر، ملک ارشد راں، راضیہ رفیق، ملک الطاف وینس، طارق کھوکھر، سلیم راجا،چوہدری یاسین، خواجہ عمران، رئیس قریشی، شگفتہ حبیب، عبدالروف لودھی،ڈاکٹر ظفر ہانس، طارق ہانس، خواجہ شعیب، ارشد مغل، ساحل چونڈیو، سکندر ڈوگر، عمران جاوید سمرا، امین ساجد، خلیل راں، ملک جاوید اختر وینس و دیگر نے خطاب کرتے ہوئے کہا کہ جنوبی پنجاب کو پیپلزپارٹی صوبہ بنائے گی اس خطہ کو الگ شناخت دینا ہمارے منشور میں شامل ہے اس ورکرز کنونشن میں بہت بڑی تعداد میں ورکرز اور سپورٹران نے شرکت کی۔