لاہور (نامہ نگار) انویسٹی گیشن ونگ میں ایس پی اینٹی کار لفٹنگ سٹاف کی زیر نگرانی میں اینٹی کار و موٹر سائیکل سٹاف ایک کروڑ روپے سے زائد مالیت کی 17 کاریں اور 4 موٹر سائیکلیں برآمد کر لیں۔ ان خیالات کا اظہار ڈی آئی جی انویسٹی گیشن سلطان چودھری گزشتہ روز اپنے دفتر میں ایک پریس کانفرنس کے دوران کیا۔ اس موقع پر ایس پی سی آر او عمر ریاض چیمہ اور ایس پی ملک اویس بھی موجود تھے۔ انہوں نے کہا کہ گاڑی اور موٹر سائیکل چوری کی روک تھام کے لئے شہریوں کی آگاہی کے لئے بھی مختلف پراجیکٹ شروع کیے جا رہے ہیں انہوں نے کہا کہ وائر لاک اور چور سوئچ سمیت مختلف اقدامات کے ذریعے اپنی گاڑیوں اور موٹر سائیکلوں کو چوری ہونے سے با آسانی بچایا جا سکتا ہے۔